"ბარსელონამ" გუშინ უკანასკნელად ცადა, რომ არდა გიულერის მადრიდის 'რეალში" ტრანსფერი ჩაეშალა. - იუწყება Relevo-ს ჟურნალისტი ტონი ხუანმარტი.

როგორც მოსალოდნელი გახლდათ, თურქმა ნახევარმცველმა "ლურჯ-ბროწეულისფერნი" უარით გაისტუმრა.

არდა "სამეფო კლუბს" 20 მილიონი ევროს სანაცვლოდ შეუერთდება. ხუანმარტის თქმით, ტრანსფერის თანხა შეიძლება გაორმაგდეს კიდეც.

მთავარი ფაქტორი, რატომაც გიულერმა "თეთრები" აირჩია, "ფენერბახჩედან" წელსვე წასვლის შესაძლებლობა გახლდათ. "ბარსელონასთან" შეთანხმების შემთხვევავაში, მას სტამბოლში ერთწლიანი იჯარით დარჩენა მოუწევდა.

შეგახსენებთ, რომ არდას ტრანსფერის გასაჩარხად თურქეთს "ბარსას" სპორტული დირექტორი დეკუც ეწვია, თუმცა პორტუგალიელმა მიზანს ვერ მიაღწია.

გასულ სეზონში გიულერმა თავი 6 გოლითა და 7 ასისტით გამოიჩინა.