Sport-ის ინფორმაციით, "ბარსელონა" ორიოლ რომეუს კონტრაქტზე შეუთანხმდა.

ესპანელი ნახევარმცველი "ლურჯ-ბროწეულისფრებთან" ორწლიან ხელშეკრულებას გააფორმებს, რომელსაც დამატებით 1 წლით გახანგრძლივების პერსპექტივა ექნება.

მომდევნო 48 საათში "ბლაუგრანა" გადაწყვეტს, ღირს თუ არა აქტიური მუშაობის დაწყება რომეუს ტრანსფერზე. თუ "ბარსაში" მივლენ იმ დასკვნამდე, რომ რომეუ უნდა გაიფორმონ, "ჟირონასთან" მოლაპარაკებებსაც დაიწყებენ.

Mundo Deportivo წერს, რომ კატალონიური კლუბი 31 წლის შუახაზელს 8 მილიონ ევროდ აფასებს. 

რომეუს "ჟირონა" მხოლოდ მაშინ გაუშვებს, თუ "ბარსა" ფეხბურთელის გამოსასყიდ თანხას - 8 მილიონ ევროს გადაიხდის. ცხადია, ლა ლიგის მოქმედ ჩემპიონებს ორიოლის უფრო იაფად შეძენა უნდათ.

გასულ სეზონში ჩატარებულ 36 მატჩში ესპანელმა 2 გოლი გაიტანა.