ესპანურ პრესაში გავრცელებული ცნობების თანახმად, "ბარსელონას" ანსუ ფატის გაყიდვა სურდა, მაგრამ ესპანელმა თავდამსხმელმა გუნდიდან წასვლაზე უარი განაცხადა.

დღევანდელი მოცემულობით, "ლურჯ-ბროწეულისფერთა" ათიანი თავს მშვიდად უნდა გრძნობდეს, რადგან მის შესაძლო აბარგებაზე საუბარი უკვე აღარც მიმდინარეობს.

როგორც ჩანს, 20 წლის თავდამსხმელს დრო უქმად არ დაუკარგავს. ამაზე Mundo Deportivo-ს დღევანდელი ცნობა მეტყველებს.

MD-ს თქმით, სეზონის დასრულებისთანავე ანსუმ სპეციალური ფიზიკური პროგრამის მიხედვით დაიწყო ვარჯიში, რომელიც ფიზმომზადების გაუმჯობესებაზე გახლავთ ორიენტირებული.

ფატის საკუთარი საუკეთესო ვერსიის დაბრუნება და "ბლაუგრანას" ძირითად შემადგენლობაში დაბრუნება უნდა.

შეგახსენებთ, რომ გასული სეზონი ფატიმ 10 გოლითა და 4 საგოლე გადაცემით დახურა.