ანსუ ფატი და ფერან ტორესი "ბარსელონას" ის შემტევები არიან, რომლებსაც გუნდის დატოვებას ყველაზე აქტიურად უწინასწარმეტყველებდნენ, თუმცა ბოლო კვირებში მათ ტრანსფერებზე რაიმე წინსვლა ნამდვილად არ ყოფილა.

ესპანელი ფორვარდების შესახებ ახალი ცნობები დღეს SPORT-მა გაავრცელა.

წყაროს თანახმად, ფატის წასვლა პრაქტიკულად გამორიცხულია.

რაც შეეხება ფერანს, "ლურჯ-ბროწეულისფერნი" ეცდებიან, რომ 23 წლის შემტევი იჯარის წესით წასვლაში დაარწმუნონ. ტორესის მომდევნო კლუბი მიიღებს გამოსყიდვის უფლებასაც.

ცხადია, "ბლაუგრანაში" ურჩევნიათ, თავიანთი 11 ნომერი გაყიდონ, მაგრამ ეს შეუძლებელი ჩანს.

შეგახსენებთ, რომ გასულ სეზონში ანსუმ 10 გოლითა და 4 ასისტით გამოიჩინა თავი, ფერანმა კი 7 გოლი და 3 საგოლე გადაცემა მიითვალა.