როგორც უკვე გითხარით, "ბარსელონას" პრეზიდენტმა ჟოან ლაპორტამ SPORT-ს ვრცელი ინტერვიუ მისცა.

ერთ-ერთი ყველაზე მნიშვნელოვანი განცხადება, რაც პრეზიდენტმა ჟურნალისტთან საუბრისას გააკეთა, იმას შეეხებოდა, რომ კლუბს კიდევ 3 ფეხბურთელის დამატება უნდა: 2 ნახევარმცველისა და 1 მარჯვენა მცველის.

ჟურნალისტ ხავი მიგელის ვერსიით, "ბარსას" შემდეგი სამიზნეები ჰყავს:

ორიოლ რომეუ

ჯოვანი ლო სელსო

ჟოაუ კანსელუ

ჩავი ერნანდესს სჯერა, რომ თუ "ლურჯ-ბროწეულისფრები" სამივეს გადაიბირენ, მის გუნდს რაღაც ისტორიულის მიღწევის საშუალება ექნება.

რომეუს "ბარსა" იყიდის, ხოლო არგენტინელ ნახევარმცველსა და პორტუგალიელ ფლანგელს - იჯარით დაიმატებს.