ჟიულ კუნდე თანახმაა, რომ მომდევნო სეზონში იქ ითამაშოს, სადაც ამის საჭიროება იქნება, - წერს ფერან მარტინესი.

Mundo Deportivo-ს ჟურნალისტის ინფორმაციით, ფრანგი მცველი 3-4-3 ფორმაციაში მარჯვენა მხარეს მდგომი ცენტრალური მცველის პოზიციას დაიკავებს.

24 წლის ფეხბურთელს ამის შესახებ ჩავი ერნანდესმა შეატყობინა. "ბლაუგრანას" მთავარმა მწვრთნელმა გუნდს უთხრა, რომ მომდევნო სეზონიდან გუნდი ხშირად ითამაშებს 3-4-3 ტაქტიკით.

მოცემული ცნობა გვაფიქრებინებს, რომ შესაძლოა, ზაფხულის სატრანსფერო ფანჯარაზე "ლურჯ-ბროწეულისფრებმა" ნომინალური მარჯვენა მცველი აღარც დაიმატონ.

ცნობისთვის, კუნდე "ბარსამ" 2022 წლის ზაფხულში შეიძინა "სევილიიდან". გასულ სეზონში ჩატარებულ 40 მატჩში მან 1 გოლი და 6 ასისტი მიითვალა.