როგორც მოგეხსენებათ, "ბარსელონამ" ახალი სეზონისთვის მზადება დაიწყო. გავრცელებულ ფოტოებზე ქომაგებმა შეამჩნიეს, რომ "ლურჯ-ბროწეულისფერთა" 20 წლის ვარსკვლავი, პედრი გონსალესი ფიზიკურად მოძლიერებულია.

ამის შესახებ დღეს SPORT-მაც დაწერა.

წყაროს თანახმად, ნახევარმცველმა კუნთოვანი მასა 7 კილოგრამით გაიზარდა.

შვებულების ჟამს, პედრიმ 5 კვირა გაატარა Tenerife Top Training-ის სპორტდარბაზში, სადაც იმ სპეციალური გეგმის მიხედვით ვარჯიშობდა, რომელიც კლუბმა მისთვის მოამზადა.

გონსალესმა საკმაოდ მკაცრი დიეტაც დაიცვა.

აშკარაა, რომ პედრი მომდევნო სეზონისთვის განსაკუთრებულად ემზადება. იმედი ვიქონიოთ, მის მიერ გაწეული შრომა იქნება დასასრული იმ ტრავმიანობისა, რომელიც ესპანელს ხშირად აწუხებს ხოლმე.