როგორც მოგეხსენებათ, ორიოლ რომეუს "ბარსელონაში" ტრანსფერი გადაწყვეტილია. 

Relevo-ს ინფორმაციით, ესპანელი ნახევარმცველი "ლურჯ-ბროწეულისფერთა" რიგებში 5-ნომრიან მაისურს მოირგებს, რომელიც ბოლოს სერხიო ბუსკეტსს ემოსა.

იქიდან გამომდინარე, რომ რომეუმ "ბლაუგრანას" სასტარტო შემადგენლობაში სწორედ გუნდის ყოფილი კაპიტანი უნდა ჩაანაცვლოს, მისთვის აღნიშნული ნომრის ჩაბარება მოულოდნელობად არ უნდა მივიჩნიოთ.

თუ ბუსკეტსის 5 ნომერს ილქაი გიუნდოგანი გადაიბარებს, 31 წლის შუახაზელი 18 ნომრის მიღებას ეცდება. ეს ნომერიც ვაკანტურია, რადგან ჟორდი ალბამ გუნდი დატოვა.

სხვათა შორის, "ჟირონაში" ორიოლი სწორედ 18 ნომრით თამაშობს.

შეგახსენებთ, რომ ესპანელ ფეხბურთელში "ბლაუგრანა" "ჟირონას" 4.5 მილიონ ევროს გადაუხდის და ამას პაბლო ტორეს 1-წლიან იჯარას დაუმატებს.