"ბარსელონას" წარმომადგენლები ფლორიან ვირცის ბანაკს ესაუბრნენ, - იუწყება BarcaTimes.

რამდენიმე კვირის წინ შემდგარი საუბარი გერმანელი ვარსკვლავის "ბლაუგრანაში" შემდეგ ზაფხულს გადაბარგების შანსებს შეეხო. სერიოზული ჯერ არაფერია, მაგრამ "ლურჯ-ბროწეულისფერნი" უკვე ემზადებიან 2024 წლისთვის.

კატალონიურ გრანდს იმედს უნდა აღუძრავდეს ის ფაქტი, რომ კლუბის ახალი სპორტული დირექტორი დეკუ წარსულში ვირცის აგენტი გახლდათ.

მიუხედავად ამისა, ტრანსფერი მაინც რთული განსახორციელებელი იქნება, რადგან 20 წლის ნახევარმცველით სხვა ტოპ კლუბებიც ინტერესდებიან და მას ლევერკუზენის "ბაიერი" ძვირს დააფასებს.

ფლორიანის გვართან ხშირად ჟღერდება მიუნხენის "ბაიერნიც".

გასულ სეზონში ჩატარებულ 25 მატჩში ვირცმა 4 გოლი და 8 ასისტი მიითვალა.