იმ ფონზე, რომ ორიოლ რომეუს "ბარსელონაში" ტრანსფერი გადაწყვეტილია, Tribuna.com-მა გადაწყვიტა, ჩვენთვის გაეხსენებინა, თუ რას ამბობდა პეპ გვარდიოლა ესპანელი ნახევარმცველის შესახებ.

"ის პრემიერ ლიგაში ერთ-ერთი საუკეთესო ნახევარმცველია.

მომწონს რომეუს თამაშის ხედვა. მომწონს, როცა ცენტრალურ ნახევარმცველებს თამაში ესმით," - უთქვამს "მანჩესტერ სიტის" თავკაცს "ბლაუგრანას" ახალწვეულზე.

მაშინ, როცა პეპმა ეს სიტყვები წარმოთქვა, რომეუ ინგლისის პრემიერ ლიგაში, კერძოდ, "საუთჰემპტონში" ასპარეზობდა.

შეგახსენებთ, რომ 31 წლის ესპანელში "ბლაუგრანა" 4.5 მილიონ ევროს გადაიხდის. გარდა ამისა, გარიგების ფარგლებში კატალონიელებმა პაბლო ტორე "ჟირონაში" გაანათხოვრეს.