როგორც მოგეხსენებათ, “ინტერ მაიამიმ” კატალონიის “ბარსელონას” ორი ლეგენდარული ფეხბურთელი, სერხიო ბუსკეტსი და ლეო მესი დაიმატა.

გავლენიანი სპორტული ჟურნალისტის, ფაბრიციო რომანოს მიერ გავრცელებული ინფორმაციის თანახმად, ჟორდი ალბას MLS-ში ტრანსფერი გადაწყვეტილი ამბავია.

ამ ეტაპისთვის საბოლოო დეტალები გვარდება, ალბა “ინტერ მაიამის” აუცილებლად შეუერთდება.

ცნობისთვის, ჟორდი ალბას 2022/2023 წლების სეზონის ბოლოს “ბარსელონასთან” კონტრაქტი ამოეწურა. 

ალბამ კატალონიურ გუნდში არაერთი სეზონი გაატარა და 459 ჩატარებულ შეხვედრაში 27 გოლი გაიტანა და 99 საგოლე გადაცემა შეასრულა.