თუ "ბარსელონას" შემადგენლობის გაძლიერებას კიდევ ერთხელ ეცდება, ეს ბერნარდუ სილვასკენ იქნება მიმართული, - იუწყება Mundo Deportivo-ს ჟურნალისტი როხერ ტორელო..
წყაროს თანახმად, "მანჩესტერ სიტის" ნახევარმცველი პრიორიტეტია. ამაზე კლუბშიც შეთანხმებულები არიან და ბერნარდუსაც სურს "ბლაუგრანაში" გადასვლა.
რაც შეეხება ჟოაუ ფელიქსს, ის პრიორიტეტულ სამიზნედ არასდროს ჩათვლილა. "ბარსაში" გაუკვირდათ კიდეც მისი ბოლო განცხადებები. ჩავი ერნანდესი თავის გუნდში 23 წლის შემტევის ადგილს ვერ ხედავს.
თუ ამის საშუალებას ფინანსური ფეარ-პლეი მისცემთ, კატალონიელები სილვას გაფორმებას ეცდებიან. მხოლოდ ამისა და შემადგენლობიდან თავდამსხმელების წასვლის შემდეგ დადგება დღის წესრიგში ჟოაუს გადაბირება.
ეს მხოლოდ სატრანსფერო ფანჯრის უკანასკნელ დღეებში იქნება შესაძლებელი, როცა "ატლეტიკო" პორტუგალიელის გასაშვებად ყველაფერზე წავა.
როგორც ირკვევა, ჟოან ლაპორტამ და მატეუ ალემანიმ ორივე პორტუგალიელის აგენტს, ჟორჟე მენდეშს უკვე შეატყობინეს, რომ მათთვის პრიორიტეტული ბერნარდუა და არა ჟოაუ.
