"ბარსელონას" ნახევარმცველმა სერხიო ბუსკეტსმა "სევილიასთან" მატჩში ტრავმა მიიღო.

ესპანელი შუახაზელი "დალაქების" ცენტრფორვარდ ენ ნესირისთან შეჯახებისას დაზიანდა. მას მოედნის დატოვება მოუხდა, თამაშში კი ფრანკ კესიე ჩაერთო.

Diario AS-ის ჟურნალისტ ხავი მიგელის ინფორმაციით, "ბლაუგრანას" კაპიტანი 15 დღით იუქმებს.

კიდევ ერთი ცნობილი ჟურნალისტის, ადრია ალბეტის მიხედვით, 34 წლის ფეხბურთელს ლაზარეთში ყოფნა 2-3 კვირის განმავლობაში მოუწევს.

ეს იმას ნიშნავს, რომ "მანჩესტერ იუნაიტედთან" მატჩში ბუსკეტსის მონაწილეობა დიდი კითხვის ნიშნის ქვეშ დგას.

დღეს სერხიოს გამოკვლევები ჩაუტარდება და დაზუსტებით მეტის თქმა მხოლოდ ამის შემდეგ შეგვეძლება.