"პარის სენ-ჟერმენი" კატალონიის "ბარსელონას" ფეხბურთელის, უსმან დემბელეს დამატებით სერიოზულადაა დაინტერესებული - იტყობინება ჟურნალისტი ხუან ხიმენეზ სალვადო.

მისი თქმით, იმ შემთხვევაში, თუ კილიან მბაპე ფრანგულ კლუბს დატოვებს (რაც გამორიცხული სულაც არაა), პარიზელები კატალონიური გრანდის შემტევისთვის გაიბრძოლებენ.

როგორც უსმანის კონტრაქტშია მითითებული, 2023 წლის 1 აგვისტოს მისი გამოსასყიდი თანხა 100 მილიონი ევრო იქნება, რა ფასადაც "პსჟ" ფრანგის ხელში ჩაგდებას ეცდება.

ამავდროულად "ბლაუგრანაც" მზადაა, რომ პარიზული კლუბის ხელმძღვანელობასთან ამ საკითხთან დაკავშირებით მოლაპარაკებები დაიწყოს.

აქვე გეტყვით, რომ დემბელეს "ბარსელონასთან" ხელშეკურლება 2024 წელს ეწურება.