"მანჩესტერ სიტი" ბერნარდუ სილვას არ გაუშვებს, - იუწყება ჟურნალისტი ხავი კამპოსი.

კამპოსი პორტუგალიელი ვარსკვლავის "ბარსელონაში" გადასვლას შეუძლებელს უწოდებს.

შეგახსენებთ, რომ უკვე ზედიზედ მესამე სატრანსფერო ფანჯარაა, რაც "ლურჯ-ბროწეულისფერნი" 28 წლის ნახევარმცველის გადაბირებას მცდელობენ. მიუხედავად მათი მრავალი მცდელობისა, "სიტიზენთა" დათანხმება ვერ ხერხდება.

მოარული ხმების მიხედვით, "ბარსელონა" ბერნარდუს ოცნების კლუბია, თუმცა ტრანსფერის განხორციელებას ესეც კი ვერ უწყობს ხელს.

პრობლემას ქმნის ისიც, რომ "ბლაუგრანას" "ქალაქელთა" ფინანსური მოთხოვნების დაკმაყოფილების სახსრები უბრალოდ არ გააჩნია. 

ცნობისთვის, გასულ სეზონში ბერნარდუმ 55 მატჩში მიიღო მონაწილეობა. "ქალაქელებს" ის 7 გოლითა და 8 ასისტით დაეხმარა.