როგორც მოგეხსენებათ, კატალონიის "ბარსელონას" ფეხბურთელი უსმან დემბელე ახლოსაა, რომ კარიერა "პარის სენ-ჟერმენში" გააგრძელოს.

ჟურნალისტი ელენა კონდოსის ინფორმაციით, უსმანმა თავის თანაგუნდელებს უკვე ამცნო, რომ იგი პარიზული კლუბის რიგებს შეუერთდება.

რაც შეეხება სატრანსფერო ფასს, ივლისის ბოლომდე ფრანგის ღირებულება 50 მილიონი ევრო იქნება, ხოლო 1 აგვისტოდან ეს თანხა, შესაძლოა გაორმაგდეს.

სწორედ ამიტომ, პარიზელები მაქსიმალურად ჩქარობენ, რომ ფეხბურთელი რაც შეიძლება მალე გაიფორმონ.

ცნობისთვის, დემბელეს "ბარსასთან" კონტრაქტი 2024 წლამდე აკავშირებს.