ესპანელი ჟურნალისტის ხოსეპ კაპდევილას ინფორმაციით, "მანჩესტერ იუნაიტედისა" და "ბაიერნის" მიერ ანსუ ფატით დაინტერესებაზე ცნობები "ბარსელონას" გავრცელებულია.

კაპდევილა ამას იმით ხსნის, რომ "ბლაუგრანას" 20 წლის თავდამსხმელის გაყიდვა სურს, მსურველი კი ჯერ არ ჩანს, ამიტომ ასეთ ხერხებს მიმართავს

დღეს დილით "ბაიერნის" ინტერესი Sky Sports-მა უარყო, იგივე ითქმის "წითელ ეშმაკებზეც".

როგორც ჩანს, "ლურჯ-ბროწეულისფერთა" ათიანის "კამპ ნოუდან" აბარგების შანსები ჯერჯერობით მიზერულია.

შეგახსენებთ, რომ მიმდინარე სეზონში ფატიმ 31 მატჩში მიიღო მონაწილეობა, გაიტანა 6 გოლი და გააკეთა 3 საგოლე გადაცემა. მიუხედავად არც თუ ისე ცუდი სტატისტიიკისა, იგი კვლავ შორსაა საუკეთესო ფორმისგან.