ორშაბათს, "ბარსელონას" ლეგენდა, რონალდინიო Mundo Deportivo-მ გრან გალას სახელით ცნობილ ცერემონიალზე მიიწვია. ბრაზილიელი ლეგენდის პრიზით დაჯილდოვდა და იგი მას თავად "ბლაუგრანას" პრეზიდენტმა ჟოან ლაპორტამ გადასცა.

დღეს გამოქვეყნდა გაუჩოს ინტერვიუ RAC1-თან, რომელშიც იგი მრავალ საინტერესო საკითხს შეეხო.

ერთ-ერთი მათგანი რონალდინიოს ვაჟის, ჟოაო მენდეშ დე ასის მორეირას "ბარსას" სინჯებზე ყოფნა გახლდათ.

"ბარსელონა" ჩემი ცხოვრების დიდი ნაწილია. აკადემიაში ჩემი შვილის ჩარიცხვასთან ერთად, აქ უფრო ხშირად ვიქნები წარმოდგენილი.

ითამაშებს თუ არა ის "ბარსელონაში"? დიახ, ახლა სინჯებს გადის," - განაცხადა რონალდინიომ.

გადაწყვეტილებას სამწვრთნელო შტაბი მალე მიიღებს. გავრცელებული ცნობების თანახმად, ჟოან ლაპორტა საქმეში პირადადაა ჩართული.