"ბარსელონას" ამერიკელი ფლანგელის, სერჟინიო დესტის მომავალი გადაწყვეტილად უნდა ჩავთვალოთ.

ჟურნალისტ ვიქტორ მალოს ინფორმაციით, "ბლაუგრანას" მთავარმა მწვრთნელმა ჩავი ერნანდესმა კლუბის ტექნიკურ დირექტორ მატეუ ალემანის უთხრა, რომ დესტს კონტრაქტი უნდა გაუწყვიტონ.

22 წლის მარჯვენა მცველის მსურველი ჯერ კიდევ არ გამოჩენილა. იგი არავის უნდა.

ამ ფონზე, როცა ჩავი დესტს თავის გეგმებში ვერ ხედავს, მისთვის კონტრაქტის გაწყვეტა ერთადერთ გამოსავლად ისახება.

შეგახსენებთ, რომ სერჟინიო "ბლაუგრანამ" 2020 წელს, ამსტერდამის "აიაქსიდან" შეიძინა. "ბარსელონას" მაისურით ნათამაშებ 72 მატჩში მის ანგარიშზე 3 გოლი და 4 ასისტია.