"ბარსელონას" ანდრეას კრისტენსენის თაობაზე წინადადებით მიმართეს, - იუწყება ჟერარ რომერო.

ცნობილი ჟურნალისტის ინფორმაციით, დანიელ ცენტრალურ მცველში "ბლაუგრანას" 30 მილიონი ევრო შესთავაზეს, თუმცა კლუბმა ეს შეთავაზება უარით გაისტუმრა.

უცნობია, თუ ვისგან მიიღო კატალონიურმა გრანდმა აღნიშნული წინადადება.

წყაროს თანახმად, "ბარსა" 28 წლის უკანახაზელს ხსენებულ თანხად არ შეელევა, მაგრამ თუ შეთავაზება 50 მილიონ ევროს გადააჭარბებს, პოზიცია შეიძლება შეიცვალოს.

შეგახსენებთ, რომ კრისტენსენი "ბლაუგრანამ" 2022 წლის ზაფხულში, თავისუფალი აგენტის სტატუსით დაიმატა. გასულ სეზონში ჩატარებულ 32 მატჩში მან 1 გოლი და 1 ასისტი მიითვალა.