როგორც მოგეხსენებათ, კატალონიის “ბარსელონა” მარჯვენა მცველების ძიებაშია. 

ესპანური გუნდი პირადი კონტრაქტის თაობაზე ივან ფრესნედას უკვე შეუთანხმდა. “ბლაუგრანა” ასევე ჟოაო კანსელოს ტრანსფერსაც უახლოვდება.

გავლენიანი სპორტული ჟურნალისტის, გაბრიელ სანსის მიერ გავრცელებული ინფორმაციის თანახმად, “ბარსელონა” კანსელოსა და ფრესნედას ალტერნატივად არნაუ მარტინესს განიხილავს.

საგულისხმოა, რომ “ბარსელონას” არნაუს სანაცვლოდ 20 მილიონი ევროს გადახდა მოუწევს.

ცნობისთვის, 20 წლის ფეხბურთელმა გასულ სეზონში ჩატარებულ 35 შეხვედრაში 3 გოლი გაიტანა და 4 საგოლე გადაცემა შეასრულა.