"მანჩესტერ სიტი" ბერნარდუ სილვას გაშვებას არ აპირებს. აღნიშნულ ინფორმაციას ფაბრიციო რომანო ავრცელებს.

იტალიელი ჟურნალისტის თანახმად, "სიტიზენებმა" "ბარსელონასა" და "პარი სენ ჟერმენს" ოფიციალური შეტყობინება გაუგზავნეს, რომ პორტუგალიელი ნახევარმცველის თაობაზე მოლაპარაკებების გამართვას არ აპირებენ.

ეს მოცემულობა მხოლოდ მაშინ შეიცვლება, თუ წასვლას თავად სილვა მოითხოვს. 28 წლის ვარსკვლავს ეს ჯერ არ გაუკეთებია.

დღეს ესპანურ პრესაში გაჟღერდა, რომ "ბლაუგრანას" ბერნარდუს იჯარის + გამოსყიდვის ვალდებულების ფორმულით წაყვანა სურდა, ხოლო თუ მანჩესტერში ამას არ დასთანხმდებოდნენ, კლუბი მოთამაშის ყიდვას დააპირებდა.

ასეა თუ ისე, აშკარაა, რომ "ლურჯ-ბროწეულისფერთა" ხელმძღვანელობას მარტივი ოპერაცია ნამდვილად არ ელოდებათ.