"ბარსელონას" მთავარ მწვრთნელს, ჩავი ერნანდესსა და გუნდის 19 წლის ვარსკვლავს, პაბლო გავის შორის მნიშვნელოვანი გასაუბრება შედგა.

Mundo Deportivo-ს ინფორმაციით, "მაესტრომ" ნახევარმცველს უთხრა, რომ მას ძალიან მნიშვნელოვან ფეხბურთელად მიიჩნევს და საკუთარ გეგმებში აუცილებლად ხედავს.

გავი დაარწმუნეს თავის ხელშეუხებლობაშიც.

ამ დიალოგის საჭიროება მას შემდეგ დადგა, რაც ფრანგულმა პრესამ "ბლაუგრანას" მიერ "პარი სენ ჟერმენისთვის" კილიან მბაპეში გავისა და უსმან დემბელეს გაცვლის შეთავაზებით მიმართვაზე დაწერა. კატალონიურ გრანდში აღნიშნულ ცნობას სიცრუეს უწოდებენ.

შეგახსენებთ, რომ "ლურჯ-ბროწეულისფერთა" 6-იანი გუშინ გახდა 19 წლის. მიმდინარე პრესეზონზე ჯერ მას ერთ ამხანაგურ მატჩშიც კი არ უთამაშია. ამის მიზეზი ზურგზე არსებული დისკომფორტი გახლავთ.