"ბარსელონა" ანსუ ფატის მხოლოდ იმ შემთხვევაში გაყიდის, თუ იგი ამას თავად მოითხოვს, - იუწყება Diario SPORT.

წყაროს თანახმად, "ბლაუგრანაში" ისიც იციან, რომ თუ ანსუს ოდესმე გაყიდვა აქვთ გადაწყვეტილი, ამისთვის საუკეთესო დრო სწორედ მომავალ ზაფხულს იქნება, რადგან არსებობს შანსი, ამის შემდეგ 20 წლის თავდამსხმელის ღირებულებამ კლება დაიწყოს.

ესპანური გამოცემა იმასაც წერს, რომ ფატი მიღებული სათამაშო დროით უკმაყოფილოა. მისი აზრით, მეტ შანსს იმსახურებს,

მიუხედავად ამისა, როგორც ჩანს, "ლურჯ-ბროწეულისფერთა" ათიანის "კამპ ნოუდან" ზაფხულში აბარგების შანსი მაინც მცირეა.

დღეს დაიწერა ისიც, რომ არც "ბაიერნი" და არც "მანჩესტერ იუნაიტედი" ანსუსადმი დიდ ინტერესს არ იჩენენ.

მიმდინარე სეზონში ესპანელის მონაგარი 6 გოლი და 3 ასისტია.