"ბარსელონამ" აგვისტოში შეიძლება ანსუ ფატი გაყიდოს, - იუწყება Diario AS-ის ჟურნალისტი ხავი მიგელი.

წყაროს თანახმად, ოპერაცია უკვე საკმაოდ წინაა წასული.

20 წლის თავდამსხმელის გასხვისება "ბლაუგრანას" საკმაოდ დიდ სატრანსფერო თანხას მოუტანს და სახელფასო განაკვეთში ადგილს გამოუთავისუფლებს. ამ ყველაფრის გამოყენება კატალონიელებს ბერნარდუ სილვასა და ხუან ფოიტის მოსაყვანად შეეძლებათ, ისევე როგორც ვიტორ როკეს ზაფხულში დასარეგისტრირებლად.

ჯერჯერობით უცნობია, თუ რომელ კლუბთან აწარმოებს "ბარსა" მოლაპარაკებებს ანსუს თაობაზე.

აღნიშნული ინფორმაცია დიდ მოულოდნელობას წარმოადგენს, რადგან ესპანურ პრესაში ჯერ კიდევ რამდენიმე დღის წინ წერდნენ, რომ ესპანელი შემტევის გუნდში დარჩენა გადაწყვეტილი გახლდათ.