ჟოან ლაპორტამ გუშინ ნეიმარს დაურეკა, - იუწყება Bar Canalates.

წყაროს თანახმად, "ბარსელონას" პრეზიდენტს ბრაზილიელი მეგავარსკვლავის დაბრუნება ნებისმიერ ფასად სურს, მაგრამ ჩავი მის პოზიციას არ იზიარებს.

ცნობილი აგენტი პინი ზაჰავი იბიცაზე გამგზავრებულა, რათა 31 წლის შემტევსა და მამამისს გასაუბრებოდა.

ზაჰავის "ლურჯ-ბროწეულისფერთა" პრეზიდენტთან ძალიან ახლო ურთიერთობა აქვს. თუ ნეიმარის ტრანსფერი გაიჩარხება, ამაში მისი წვლილი უდიდესი იქნება.

ესპანური პრესა კვლავ ირწმუნება, რომ ნეიმარის დაბრუნების მთავარი შემაფერხებელი ჩავია. "ბლაუგრანას" თავკაცს თავის გუნდში ბრაზილიელის ხილვა არ უნდა.

სატრანსფერო ფანჯრის დასრულებამდე კიდევ საკმაო დროა დარჩენილი, ამიტომ შეიძლება ბევრი რამ შეიცვალოს.