ნეიმარს "ბარსელონაში" დაბრუნება ახლავე უნდა, - იუწყება L'Equipe.

ფრანგული გამოცემის ინფორმაციით, ბრაზილიელმა მეგავარსკვლავმა "პარი სენ ჟერმენის" სპორტულ დეპარტამენტს შეატყობინა, რომ გუნდში დარჩენა აღარ სურს.

31 წლის მეგავარსკვლავი "პსჟ-ზე" გაბრაზებულია. მისი აზრით, კლუბი ფეხბურთელებს ჯეროვნად არ იცავს.

წყაროს თანახმად, "ბლაუგრანა" უკვე ღიად განიხილავს ნეიმარის დაბრუნების შესაძლებლობას.

ესპანური პრესა "ბარსას" პოზიციის ცვლილებას ჯერ არ ადასტურებს.

ისე კი, დღეს გაჟღერდა, რომ ნეიმარს ჟოან ლაპორტამ დაურეკა.