"ლევერკუზენის" მარჯვენა მცველი, ჯერემი ფრიმპონგი "ბარსელონას" დაუკავშირეს.

ჟურნალისტ კარლოს მონფონტის ინფორმაციით, ნიდერლანდელი ფეხბურთელის ბანაკთან უკვე ჰქონდა კონტაქტი "ბლაუგრანას" ახალ სპორტულ დირექტორს, დეკუს.

22 წლის ფლანგელი "ბარსასთვის" მარჯვენა მცველის პოზიციაზე ერთ-ერთი ვარიანტია, მაგრამ პრიორიტეტებად კვლავ ჟოაუ კანსელუ და ივან ფრესნედა რჩებიან.

ფრიმპონგს "ფარმაცევტები" 30 მილიონ ევროდ აფასებენ, მაგრამ "ბარსას" შესანიშნავი ურთიერთობა აქვს "ბაიერის" აღმასრულებელ დირექტორთან, რამაც კლუბს შეიძლება დახმარება გაუწიოს.

ჯერემის "ლევერკუზენთან" კონტრაქტი 2025 წლის 30 ივლისს ეწურება.

გასულ სეზონში ნიდერლანდელმა 48 მატჩში 9 გოლი მიითვალა.