ანდრეს ინიესტა კარიერას არაბეთის გაერთიანებული საემიროების კლუბ "ემირეიტსში" გააგრძელებს, - იუწყება ფაბრიციო რომანო.

39 წლის ფეხბურთელი არაბულ გუნდში 2024 წლის ივლისამდე ითამაშებს. ხელშეკრულებას კიდევ ერთი წლით გახანგრძლივების ოფციაც ექნება.

შეგახსენებთ, რომ ინიესტამ იაპონური "ვისელ კობე" თავისუფალი აგენტის სტატუსით დატოვა. "ბარსელონას" ლეგენდას "ინტერ მაიამიში" ელოდნენ, სადაც იგი ლიონელ მესისთან, სერხიო ბუსკეტსთან და ჟორდი ალბასთან გაერთიანდებოდა, თუმცა, როგორც ჩანს, ეს ვარიანტი უკვე აღარაა აქტუალური.

ლეგენდარული ნახევარმცველი "ბარსას" ღირსებას 2002-2018 წლამდე იცავდა. მან "ბლაუგრანას" მაისურით 674 მატჩი ჩაატარა.