ფრანკ კესიე მიიჩნევს, რომ "ბარსელონამ" მას უღალატა, - იუწყება SPORT.

ჟურნალისტ სერხი კაპდევილას ინფორმაციით, კოტ-დ'ივუარელ ნახევარმცველს ის განცდა აქვს, რომ კლუბმა ის თავისუფალი აგენტის სტატუსით მხოლოდ იმიტომ დაიმატა, რომ 1 წლის შემდეგ გაეყიდა.

"ბლაუგრანაში" თამაში ფრანკის ოცნება გახლდათ. კესიე ფიქრობს, რომ სეზონის მეორე ნახევრის მაღალ დონეზე ჩატარების შემდეგ, იგი გუნდში თამაშის გაგრძელებას იმსახურებდა.

უკანასკნელ კვირებში კესიეს ჩავისთან აღარ ულაპარაკია. მთავარი მწვრთნელისა და 26 წლის ნახევარმცველის ურთიერთობა ასეთი ცუდი არასდროს ყოფილა.

შეგახსენებთ, რომ გამოცდილ შუახაზელს "ბარსა" "ალ ჰილალში" უშვებს. ტრანსფერიდან კატალონიელები 13-14 მილიონ ევროს მიიღებენ.