სოციალურ ქსელში ცნობილმა გვერდმა Post United-მა დათვალა ყველა ის თერთმეტმეტრიანი, რომელიც ლა ლიგის მიმდინარე სეზონში დაინიშნა.

როგორც ირკვევა, პენალტები ყველაზე ხშირად მადრიდის "რეალის" სასარგებლოდ იდება. "თეთრებს" 8 პენალტის დარტმის უფლება მიეცათ.

"სამეფო კლუბს" "ჟირონა" (7 პენალტი) და "ვალენსია" (6 პენალტი) მოსდევენ.

რაც შეეხება "ბარსელონას", კატალონიური გრანდი ამ კუთხით ბოლოსწინა ადგილს იკავებს. მიმდინარე სეზონში "ბლაუგრანას" სასარგებლოდ მხოლოდ ერთი თერთმეტმეტრიანი დაინიშნა. ამ 1 დარტყმით უსწრებენ ისინი მადრიდის "ატლეტიკოს" - "როხიბლანკოს" წელს პენალტი საერთოდ არ შეუსრულებია.

აქვე გეტყვით, რომ ის "ბარსამ" 1 თერთმეტმეტრიანიც ვერ გამოიყენა. რობერტ ლევანდოვსკიმ "ალმერიასთან" შეხვედრაში ბურთი ძელს გაარტყა.