იანვრის სატრანსფერო ფანჯარაზე "ბარსელონას" ფერან ტორესის თაობაზე დაუკავშირდნენ, - იუწყება Mundo Deportivo.

22 წლის თავდამსხმელის მსურველი ინგლისის პრემიერ ლიგის წარმომადგენელი გახლდათ.

ჟურნალისტ როხერ ტორელოს ცნობით, ფერანმა წინადადების გაცნობაც კი არ ისურვა, რადგან მას კვლავაც უნდა "ბლაუგრანაში" წარმატების მიღწევა.

ტორესმა კარგად იცის, რომ მას ზაფხულამდე აქვს დრო, რათა საუკეთესო ფორმა აღიდგინოს და "ლურჯ-ბროწეულისფერთა" უფროსობა მისი შენარჩუნების საჭიროებაში დაარწმუნოს.

თუ ფერანი ამას ვერ მოახერხებს, ინგლისში მას მსურველი მაინც ეყოლება, რადგან პრემიერ ლიგაში იგი კარგი რეპუტაციით სარგებლობს, "მანჩესტერ სიტიში" გატარებული პერიოდიდან გამომდინარე.

შეგახსენებთ, რომ მიმდინარეე სეზონში "ბლაუგრანას" 11-იანის ანგარიშზე 5 გოლი და 1 ასისტია.