როგორც მოგეხსენებათ, უსმან დემბელეს "პარი სენ ჟერმენში" ტრანსფერი დღეს გაოფიციალურდა.

"ბარსელონას" ოფიციალურ განცხადებაში ეწერა, რომ ფრანგი გარემარბი 50.4 მილიონ ევროდ გაიყიდა, მაგრამ გასარკვევი ის გახლდათ, თუ ამ თანხის რა ნაწილი ერგოთ კატალონიელებს.

ესპანურ პრესაში ადრე გავრცელებული ცნობების მიხედვით, "ბლაუგრანას" 25 მილიონი ევრო ერგებოდა, 25 მილიონი ევრო კი დემბელესა და მის აგენტზე გადანაწილდებოდა.

მიუხედავად ამისა, COPE-ს ჟურნალისტს, ვიქტორ ნავაროს განსხვავებული ინფორმაცია აქვს.

წყაროს თანახმად, "ბარსელონა" 35 მილიონ ევროს მიიღებს. 

შეგახსენებთ, რომ დემბელე "ბარსელონამ" დორტმუნდის "ბორუსიადან" 2017 წელს შეიძინა. მასში 135 მილიონი ევრო გადაიხადეს. "ლურჯ-ბროწეულისფერთა" მაისურით ჩატარებულ 185 მატჩში ფრანგმა 40 გოლი და 43 ასისტი მიითვალა.