ლა ლიგის ოფიციალურ საიტზე უკვე აისახა, რომ "ბარსელონამ" კიდევ 3 ფეხბურთელი დაარეგისტრირა.

ეს ფეხბურთელები სერხი რობერტო, ორიოლ რომეუ და აბდე ეზალზული არიან.

"ბლაუგრანას" უკვე 5 ისეთი ფეხბურთელი ჰყავს დარეგისტრირებული, რომელსაც ამის გაკეთება სჭირდებოდა. იქამდე კლუბმა რონალდ არაუხოსა და ილქაი გიუნდოგანის საკითხი გადაჭრა.

კატალონიელებს ახლა ინიაკი პენია, ინიგო მარტინესი, მარკოს ალონსო და ალეხანდრო ბალდე დარჩათ დასარეგისტრირებელი. ბალდე ხვალ თამაშს მაინც შეძლებს, რადგან იგი B გუნდის სიითაა დარეგისტრირებული.

შეგახსენებთ, რომ "ხეტაფესა" და "ბარსას" მატჩი ხვალ, თბილისის დროით 23:30 საათზე დაიწყება.