რამდენიმე კვირის წინ ჟოაუ ფელიქსმა განაცხადა, რომ "ბარსელონაში" თამაში მისი ოცნებაა. ამის შემდეგ ბევრი დაიწერა იმაზე, თუ როგორ ცდილობს პორტუგალიელი თავდამსხმელი "ბლაუგრანაში" მოხვედრას.

ფელიქსის საგის შესახებ აზრი "ბარსას" ვიცე-პრეზიდენტს, რაფა იუსტეს ჰკითხეს.

"ის, რომ ჟოაუ ფელიქსის დონის ფეხბურთელი "ბარსელონაში" თამაშის სურვილს გამოხატავს... სიამაყით გვავსებს.

ეს აჩვენებს, რომ "ბარსა" ძლიერ პოზიციაზეა," - თქვა იუსტემ.

მიუხედავად ამ დადებითი კომენტარისა, ვიცე-პრეზიდენტს ერთი სიტყვაც არ უთქვამს იმაზე, რამდენად რეალურია "ატლეტიკოს" შემტევის "ლურჯ-ბროწეულისფერთა" რიგებში გადაბარგება.

ცნობისთვის, "ბარსას" მიერ ჟოაუს დამატების ყველაზე რეალური შესაძლებლობა იჯარა იქნება.