გამოცემა "Sport"-მა კატალონიის "ბარსელონას" შესახებ საინტერესო სატრანსფერო ინფორმაცია გაავრცელა.

წყაროს ცნობით, "ბლაუგრანას" "ალ-ნასრის" ფეხბურთელი შესთავაზეს.

საუბარია ანდერსონ ტალისკასზე, რომლის კლუბიდან წასვლაზე მედიაში რამდენიმე ცნობა გავრცელდა.

აქვე უნდა აღვნიშნოთ ისიც, რომ ბრაზილიელ შემტევს არაბებთან კონტრაქტი 2026 წელს ეწურება და სატრანსფერო თანხა 15 მილიონ ევროს შეადგენს.

მოგახსენებთ, რომ ტალისკა "ალ-ნასრს" 2021 წელს 8 მილიონი ევროს სანაცვლოდ შეუერთდა.