"ბარსელონას" საგარეო ფორმა, რომლის ძირითადი ფორმაც თეთრია, მიმდინარე სეზონის ერთ-ერთი ყველაზე წარმატებული პროდუქტია.

გავრცელებული ცნობების თანახმად, აღნიშნული ფორმა NIKE-ის ყველაზე ტრენდული ნაწარმია 2023/2024 წლების სეზონში.

"ბლაუგრანაში" ამას ელოდნენ კიდეც. კატალონიური გრანდი ამ დიზაინით იოჰან კრუიფს მიაგებს პატივს - "ბარსას" თეთრი ფორმა სწორედ 1970-იანი წლების გარიჟრაჟზე ეცვა, როცა გუნდს "მფრინავი ჰოლანდიელი" ლიდერობდა.

შეგახსენებთ, რომ საგარეო ფორმა "ბარსას" პრესეზონის ორ მატჩში ემოსა. "ლურჯ-ბროწეულისფრებმა" იგი "არსენალთან" (3-5) და "მილანთან" შეხვედრებში (1:0) მოირგეს.