"ბარსელონას" ჟოაუ კანსელუს თაობაზე "მანჩესტერ სიტისთვის" ოფიციალური წინადადება ჯერ კიდევ არ გაუგზავნია, - იუწყება ჟურნალისტი ლუის ფელიპე როხო.

Marca-ს ცნობით, პორტუგალიელი მარჯვენა მცველის მოთმინების ფიალა ნელ-ნელა ივსება. არ არის გამორიცხული, მან სხვა კლუბების შეთავაზებების განხილვაც დაიწყოს.

29 წლის ფეხბურთელით ლონდონის "არსენალი" ინტერესდება.

არადა, თუ მატეო მორეტოს დავუჯერებთ, "სიტი" და "ბარსა" საიჯარო შეთანხმების სტრუქტურაზე აგრძელებენ მუშაობას, ჟოაუს კი მხოლოდ "ლურჯ-ბროწეულისფერთა" რიგებში თამაში სურს.

ცნობისთვის, "ბარსაში" იმედოვნებენ, რომ კანსელუს გამოსყიდვის ვალდებულება 25 მილიონი ევრო იქნება, "ქალაქელთა" მოთხოვნილი თანხა კი 45-60 მილიონ ევრომდე მერყეობს.