"ბარსელონას" ლეგენდა ლიონელ მესი "ინტერ მაიამის" ფეხბურთელის რანგში პირველ პრესკონფერენციას მართავს.

გთავაზობთ ლეოს მიერ გაკეთებულ ყველაზე საინტერესო განცხადებებს:

"ბარსელონადან პარიზში წასვლა რთული იყო, მაგრამ პარიზიდან მაიამიში - განსხვავებული. ბედნიერი ვარ."

"აქ ფეხბურთით სიამოვნების მისაღებად ვარ."

"აქ ჩამოსვლა ოჯახის საერთო გადაწყვეტილება იყო. უბრალოდ ფეხბურთის თამაში მინდა. ამიტომ ავირჩიე ეს ადგილი და გადაწყვეტილებით ძალიან ბედნიერი ვარ. ამას არა მხოლოდ სპორტული, არამედ ყოველდღიური ცხოვრების თვალსაზრისით ვამბობ."

"თუ ოქროს ბურთს მოვიგებ, კარგი იქნება, თუ არა, არ ვინერვიულებ. გუნდური წარმატება მირჩევნია."

"ფეხბურთში უკვე ყველაფერს მივაღწიე და ახლა მხოლოდ სიამოვნებას ვიღებ."

შეგახსენებთ, რომ ლიგების თასის ფინალში "ინტერ მაიამი" "ნეშვილს" 20 აგვისტოს შეხვდება.