Sport-ის ჟურნალისტი ჟორდი ხილი "ბარსელონას" სამწვრთნელო შტაბს ურჩევს, რომ გუნდის პოლონელ თავდამსხმელს, რობერტ ლევანდოვსკის დასვენების საშუალება მისცენ.

"რობერტ ლევანდოვსკი თავისი შესაძლებლობების ზღვარზეა. იგი დაღლილად გამოიყურება.

ლევანდოვსკის ძალიან უჭირს და ფერან ტორესს, რომელიც ბრწყინვალე ფიზიკურ კონდიციებშია, შეუძლია, რომ იგი დაასვენოს," - წერს ცნობილი ჟურნალისტი.

"ბლაუგრანას" 36 წლის ცხრიანს ლა ლიგის პირველ ტურში, "ხეტაფეს" წინააღმდეგ ძალიან მძიმე თამაში ჰქონდა. რობერტი მადრიდული გუნდის წინააღმდეგ ძალიან უფერულად გამოიყურებოდა, რამაც ხილს მსგავსი აზრი გაუჩინა.

შეგახსენებთ, რომ ფერან ტორესს შესანიშნავი პრესეზონი ჰქონდა. წინასასეზონო მატჩებში მან 3 გოლი გაიტანა.