"ბარსელონას" პრეზიდენტმა ჟოან ლაპორტამ დღეს საგანგებო პრესკონფერენცია გამართა. კლუბის მმართველმა 45 წუთის განმავლობაში ილაპარაკა და ყველა აქტუალურ საკითხს შეეხო.

გთავაზობთ ლაპორტას ყველაზე მნიშვნელოვან განცხადებებს:

"ჩვენი პრიორიტეტი ლა ლიგის მოგებაა. ძლიერი კანდიდატები ვართ, მაგრამ ბოლომდე უნდა ვიმუშავოთ. გუნდში დიდი ენთუზიაზმია. დაცვაში ვუმატებთ. სეზონში მხოლოდ 7 გოლი გვაქვს გაშვებული."

"სეზონმა შუაწელს მიაღწია და აქ კლუბის სიტუაციაზე სასაუბროდ ვარ. ვამაყობთ, რომ სწორი გადაწყვეტილებებით კლუბი სწორ გზაზე დავაბრუნეთ. სუპერთასი მოვიგეთ და ყველა შესაძლო ტიტულისთვის ვიბრძოლებთ."

"ჩავის მადლობას ვუხდი გაწეული სამუშაოსთვის. ის "ბარსას" ძალიან კარგად იცნობს და არის დადებითი პიროვნება, რომელიც გამოსავალს მუდამ პოულობს. ხელმძღვანელობაში მისი ძალიან მადლიერნი ვართ."

"ჩვენ კლუბი ეკონომიკური კატასტროფისგან გადავარჩინეთ. მივიღეთ გადაწყვეტილებები ვალების შესამცირებლად და ახლა ყველაფერს ვაკონტროლებთ."

"ფეხბურთელბში ჯამში 215 მილიონი ევრო გადავიხადეთ და შემადგენლობის ძველი წევრები 141 მილიონ ევროდ გავყიდეთ. ეს ნიშნავს, რომ 74 მილიონ ევროდ ძალიან კონკურენტუნარიანი გუნდი ჩამოვაყალიბეთ."

"ყოველ ჯერზე, როცა ფინანსურ ფეარ-პლეიში ჩვენს სირთულეებს ვლახავთ, ლა ლიგა წესებს ცვლის."

"თუ ფეხბურთელების დარეგისტრირება გვიჭირს, ეს იმიტომაა, რომ ლა ლიგის სახელფასო ჭერს გადავაჭარბეთ. გადაჭარბება 300-350 მილიონი ევროს ოდენობის იყო, ჩვენ იგი 100 მილიონით შევამცირეთ და ზაფხულში კიდევ 70 მილიონით შემცირებას ვგეგმავთ."

"31 მარტამდე, "ესპაი ბარსას" პროექტი დახურული იქნება."

"კამპ ნოუს" სარეკონსტრუქციო სამუშაოები 10 წლის წინ უნდა დაწყებულიყო. საბოლოოდ, Goldman Sachs-თან და Limak-თან ერთად, ამ პროცესს ვიწყებთ. სტადიონი მოგვცემს საშუალებას, რომ კვლავ ელიტაში დავრჩეთ."

"თითოეულ სეზონში, რომელსაც "მონტუიკზე" ვითამაშებთ, 93 მილიონი ევროს ოდენობის ზარალს მოგვცემს."

"მესი? მისით ვამაყობთ, მაგრამ იგი "პსჟ-ს" ფეხბურთელია და სხვა კლუბის ფეხბურთელებზე საუბარს არ ვაპირებთ."

"მატეო მესის კომენტარები? მან ბოდიში მოიხადა და ყველაფერი დასრულდა. მესის ძმის სიტყვები "ბარსასა" და ლეოს შორის არსებულ ურთიერთობაზე გავლენას არ იქონიებს."

"ანსუ ფატი? ის "ბარსელონას" ფეხბურთელია, რომელზეც დიდ იმედებს ვამყარებთ და არ გვაქვს რაიმე ცნობა იმაზე, რომ მის აგენტს რამის შეცვლა უნდა."

"გვინდა, რომ რონალდინიოს შვილმა კარიერა აქ გააგრძელოს. მას კონტრაქტს შევთავაზებთ. არ ვიცი, ეს "ხუვენილ B-ში" იქნება თუ სხვა ასაკობრივ გუნდში. ამ ბიჭს პოტენციალი აქვს და ჩვენ ბედნიერები ვართ."