"ბარსელონა" და "მანჩესტერ სიტი" ჟოაუ კანსელუს ტრანსფერზე შეთანხმდნენ, - იუწყება SPORT.

წყაროს თანახმად, პორტუგალიელი მარჯვენა მცველი "ბლაუგრანას" იჯარის წესით შეუერთდება. "ბარსას" 29 წლის ფეხბურთელის გამოსყიდვა 30 მილიონ ევროზე ოდნავ მეტ თანხად შეეძლება.

გამოსყიდვის უფლება გარდაიქმნება გამოსყიდვის ვალდებულებად, თუ ეს ორი პირობა შესრულდება:

1. კანსელუ მონაწილეობას ოფიციალური მატჩების 70%-ზე მეტში მიიღებს.

2. "ბარსელონა" გავა ჩემპიონთა ლიგის მერვედფინალში.

ხელფასის საკითხს ჟურნალისტი ჟორდი ხილი არ აზუსტებს, თუმც ესპანურ პრესაში მოარული ხმების თანახმად, ჟოაუ ჯამაგირს მნიშვნელოვნად შეიმცირებს.