როგორც მოგეხსენებათ, სერჟინიო დესტის "ბარსელონადან" წასვლა გადაწყვეტილია.
ამერიკელ ფლანგელს "ბლაუგრანა" "პსვ-ში" გაანათხოვრებს და ნიდერლანდური კლუბი 22 წლის მარჯვენა მცველის 10 მილიონ ევროდ გამოსყიდვის უფლებასაც მიიღებს.
დესტი უკვე ეინდჰოვენშია და ტრანსფერი სულ მალე გაოფიციალურდება.
ჟერარ რომეროს თუ დავუჯერებთ, "ლურჯ-ბროწეულისფერთაგან" წამსვლელთა შორის შემდეგნი კლემან ლანგლე და მარკოს ალონსო არიან.
წყაროს თანახმად, ორივე ფეხბურთელს შეთავაზებები ინგლისის პრემიერ ლიგიდან აქვთ.
თუ ლენგლეთი "ტოტენჰემის" დაინტერესება დიდი ხნის ამბავია, ალონსოზე ჯერ არ ვიცით, "ნისლიანი ალბიონის" რომელი წარმომადგენელი შეიძლება უმიზნებდეს მას.
აქვე გეტყვით, რომ ფრანგი მცველის გაშვება "ბარსას" თავიდანვე გადაწყვეტილი ჰქონდა, ხოლო ვეტერანი ესპანელის გაყიდვის საკითხი მას შემდეგ დადგა დღის წესრიგში, რაც მან პრესეზონზე დატოვა ცუდი შთაბეჭდილება.
