ნიდერლანდულმა "პსვ-მ" ოფიციალურად დაადასტურა "ბარსელონას" 22 წლის მარჯვენა მცველის, სერჟინიო დესტის იჯარის წესით დამატება.

ამერიკელი ფლანგელის ხელფასის 50%-ს ეინდჰოვენელები გადაიხდიან, 50%-იც კი ისევ "ბლაუგრანას" დასაფარი იქნება.

როგორც მოგახსენეთ, დესტი "პსვ-ს" ერთსეზონიანი იჯარით უერთდება. 2024 წლის ზაფხულში "ფილიპს არენას" ბინადრებს მისი 10 მილიონი ევროს სანაცვლოდ გამოსყიდვის უფლება ექნებათ.

აღსანიშნავია, რომ "ბარსა" დესტის მომდევნო ტრანსფერიდან წილს იტოვებს.

შეგახსენებთ, რომ სერჟინიო "ბლაუგრანამ" 2020 წელს, ამსტერდამის "აიაქსიდან" შეიძინა. გასულ სეზონში იგი "მილანში" იყო განათხოვრებული, "ბარსას" მაისურით ჩატარებულ 72 მატჩში კი 3 გოლი და 4 ასისტი აქვს მითვლილი.