"ბარსელონაში" ფიქრობენ, რომ ჯოვანი ლო ჩელსოს დამატება თითქმის გამორიცხულია, - იუწყება SPORT-ის ჟურნალისტი ტონი ხუანმარტი.

კატალონიელებმა ლონდონის "ტოტენჰემს" ერთსეზონიანი იჯარა შესთავაზეს, "დეზები" კი არგენტინელ ნახევარმცველს მხოლოდ 10-15 მილიონ ევროდ შეელევიან. ამ პირობას "ბლაუგრანა" ვერ დააკმაყოფილებს.

წყაროს თანახმად, "ბარსამ" ტრანსფერში კლემან ლანგლეს ჩართვა ცადა, მაგრამ არც ეს მცდელობა გამოდგა წარმატებული.

გუშინ გავრცელდა ინფორმაცია, რომ იმ შემთხვევაში, თუ "ბარსა" ლო ჩელსოს ვერ დაიმატებდა, გუნდის მე-6 ნახევარმცველის როლს 20 წლის "ლა მასიელი", ფერმინ ლოპესი მიიღებდა.

შეგახსენებთ, რომ ჯოვანი ჩავი ერნანდესის ერთ-ერთი ფავორიტი სამიზნე და ბერნარდუ სილვას ალტერნატივა გახლდათ. როგორც ჩანს, კლუბი ვერცერთ მათგანს ვერ გაიფორმებს.