ილქაი გიუნდოგანი დაბნეული და იმედგაცრუებულია დროის გაყვანის დაუსრულებელი მცდელობებით, უხეში ჯარიმებითა და მსაჯის გახურების ეპიზოდებით, რომლებსაც ლა ლიგაში აწყდება, - იუწყება Mundo Deportivo.

გერმანელი ნახევარმცველი განსაკუთრებით იმან გააკვირვა, რომ "ხეტაფესთან" მატჩში მთავარ მსაჯს ადეკვატური რეაქცია არ ჰქონია მადრიდელთა უხეშობაზე "ბლაუგრანას" მოთამაშეთა მიმართ.

თუ გავიხსენებთ, რომ 97 წუთიდან ბურთი თამაშში სულ 62 შურის განმავლობაში გახლდათ, დროის გაყვანის მასშტაბი იოლი წარმოსადგენია.

ინგლისის პრემიერ ლიგაში "მანჩესტერ სიტის" ყოფილი კაპიტანი ამ პრობლემებს ძალიან იშვიათად ხედავდა, რადგან იქ უხეშობაც და დროის გაყვანაც მკაცრად ისჯება.

შეგახსენებთ, რომ ილქაიმ "ბარსას" მაისურით ორი ოფიციალური მატჩი ჩაატარა და 1 ასისტი მიითვალა.