როგორც მოგეხსენებათ, "ბარსელონამ" დღეს ოფიციალურად დაადასტურა, რომ მარკ-ანდრე ტერ შტეგენმა კლუბთან კონტრაქტი 2028 წლამდე გაახანგრძლივა.

გერმანელმა გოლკიპერმა აქამდე მოქმედი ხელშეკრულებით ასაღები ხელფასი მომდევნო წლებზე გადაანაწილა, რითაც "ლურჯ-ბროწეულისფერთ" ფინანსური ფეარ-პლეის მდგომარეობა გააუმჯობესა.

Sport-ის ინფორმაციით, "ბარსაში" იმედოვნებენ, რომ ტერ შტეგენის ეს ქმედება კლუბს ლა ლიგაში 3 ფეხბურთელის დარეგისტრირების საშუალებას მისცემს.

"ვილიარეალთან" შეხვედრამდე რომ ინიაკი პენიას დარეგისტრირება მოესწრება, გადაწყვეტილია. ახლა კატალონიელები ინიგო მარტინესისა და მარკოს ალონსოს დარეგისტრირებასაც ეცდებიან.

შეგახსენებთ, რომ "ვილიარეალისა" და "ბლაუგრანას" შეხვედრა კვირას, თბილისის დროით 19:30 საათზე დაიწყება.