როგორც მოგეხსენებათ, კატალონიის “ბარსელონას” უკვე ძალიან დიდი ხანია ლამინე იამალთან ახალი კონტრაქტის შეთავაზება სურს.

გავლენიანი სპორტული სააგენტოს, Mund Deportivo-ს მიერ გავრცელებული ინფორმაციის თანახმად, “ბარსელონამ” და ხორხე მენდეშმა (იამალის აგენტმა) კონტრაქტის გახანგრძლივებასთან დაკავშირებით შეთანხმებას მიაღწიეს.

16 წლის მოთამაშე “ბლაუგრანასთან” ხელშეკრულებას ხელს 2026 წლის ზაფხულამდე მოაწერა და მისი გამოსასყიდი თანხა 1 მილიარდი ევრო გახდება.

ცნობისთვის, იამალმა ლა ლიგის გასულ ტურში “ვილიარეალის” წინააღმდეგ ბრწყინვალე პერფორმანსი შემოგვთავაზა და მატჩის საუკეთესო ფეხბურთელის ჯილდოც დაისაკუთრა.