ჟოან ლაპორტა ყველაფერს გააკეთებს, რათა ჟოაუ ფელიქსი "ბარსელონაში" აღმოჩნდეს, - იუწყება Relevo-ს ჟურნალისტი მატეო მორეტო.

ცხადია, პორტუგალიელი თავდამსხმელის მადრიდის "ატლეტიკიდან" დახსნის ოპერაციაში ჩართულია მისი აგენტი, ჟორჟე მენდეშიც.

ფაბრიციო რომანოს თანახმად, "ბლაუგრანაში" ახლა "ოპერაცია ფელიქსის" განხორციელების გზებს სწავლობენ.

"ბარსა" ფინანსურ ფეარ-პლეისთან დაკავშირებულ მდგომარეობას შეისწავლის, რათა "როხიბლანკოს" შესაბამისი წინადადება წარუდგინოს.

თუ 23 წლის შემტევი კატალონიურ გრანდს შეუერთდება, ამას იჯარის ფორმა ექნება.

შეგახსენებთ, რომ ფელიქსს "ატლეტიკოს" მაისურით ახალ სეზონში 1 წუთიც კი არ უთამაშია.