ანსუ ფატი "ბარსელონადან" წასასვლელად მზადაა, - იუწყება Mundo Deportivo.

ესპანური გამოცემის ინფორმაციით, 20 წლის თავდამსხმელს ლონდონის "ჩელსი", ლონდონის "ტოტენჰემი" და დორტმუნდის "ბორუსია" უმიზნებენ. ყველაზე რეალურ ვარიანტად ახლა "ჩელსი" გამოიყურება.

"არისტოკრატთა" მთავარ მწვრთნელს, მაურისიო პოჩეტინოს "ლურჯ-ბროწეულისფერთა" ათიანი ძალიან მოსწონს.

MD აღნიშნავს, რომ ფატი "ბლაუგრანას" იჯარის წესით დატოვებს.

ფაბრიციო რომანოს თანახმად, ანსუს წარმომადგენლებს "ტოტენჰემი" დაუკავშირდა. "დეზებისა" და "ლურჯების" ინტერესს ადასტურებს მატეო მორეტოც.

აქვე გეტყვით, რომ ფატიმ "ტოტენჰემს" 8 აგვისტოს, გამპერის თასის 2023 წლის მატჩში გაუტანა გოლი, რომელმაც "ბარსას" გამარჯვება მოუტანა.